რა მანქანებს მართავდა შონ კონერი ეკრანზე და ცხოვრებაში

Nov 10, 2020
რა მანქანებს მართავდა შონ კონერი ეკრანზე და ცხოვრებაში
მანქანები, რომლებსაც ლეგენდარული მსახიობი და მისი მთავარი გმირები მართავდნენ

31 ოქტომბერს გარდაიცვალა ბრიტანელი მსახიობი შონ კონერი, ჯეიმს ბონდის როლის პირველი და ყველაზე საყვარელი შემსრულებელი. ის პირველ რიგში ელეგანტურ Aston Martin DB5- თან ასოცირდება, თუმცა ბონდის ფილმის გადაღებებისას მისმა აგენტმა 007-მა,  ათეული სპორტული მანქანის მართვა მოახერხა - და არა ყოველთვის ინგლისურის.
რეალურ ცხოვრებაში, ის არ იყო ისეთი გიჟური მანქანის ენთუზიასტი, როგორიცაა, ვთქვათ, კინოს ვარსკვლავები სტივ მაკქუინი ან პოლ ნიუმანი.
და მაინც, მას გემოვნება აქვს საინტერესო და სწრაფი მანქანებისა! ჩვენ გადავწყვიტეთ, ბოლო პატივი მიგვეგო მშვენიერი მსახიობისთვის და გვეჩვენებინა, თუ რომელ ავტომობილებს მართავდნენ ეკრანზე მისი პერსონაჟები - და რა მანქანებს არჩევდა თავად.
 
  1. 1959 წელი: ჯერ კიდევ ნაკლებად ცნობილი მსახიობი დისნეილედნში, Janet Munroe-სთან ერთად (მისი პარტნიორი სათავგადასავლო ფილმში Darby O’Gill and the Little People )
  1. 1962 წელი: Dr. No: Sunbeam Alpine- ამ ფილმის შემდეგ, სატვირთო მანქანის მძღოლის შვილი შონ კონერი - დამწყები მსახიობი, რომელიც ბანდიტების უმნიშვნელო/მეორეხარისხოვან როლებს ასრულებდა, ნამდვილ ვარსკვლავად იქცა. ბონდიანას პირველი ფილმი გადაღებულია ძალიან მოკრძალებული ბიუჯეტით (1 მილიონ დოლარზე ნაკლები), ამიტომ აქ ძვირადღირებული მანქანები არ არის: მისტერ ბონდი მართავს Alpine roadster-ს, ახლა უკვე დავიწყებული Sunbeam კომპანიიდან.

უყურეთ "ბონდიანას" სავალდებულო დევნას: აქ დაგხვდებათ პატარა მანქანა 80 ცხენის ძალით, 1.6 ძრავით და იმ პერიოდისთვის საკმაოდ კარგი სპეცეფექტები.

 
  1. 1963 წელი, From Russia with Love: Bentley 4¼ Litre-  მართალია, მანქანა ძველია: ეს არის 1938 წლის Bentley 4¼ Liter, ბრიტანული სტუდიის Vanden Plas- ის ღია კორპუსით, თუმცა  ჩვენ გვესმის, კონტრდაზვერვის შესაძლებლობები უსაზღვრო არაა - სამოციან წლებში ინგლისში ეკონომიკური მდგომარეობა არც ისე ბრწყინვალე იყო.
  1. 1964 Goldfinger: Aston Martin DB5
ბონდის მესამე ფილმის საშუალებით, კონერის პერსონაჟი ხატულ სურათს იძენს და ბენტლის ასტონ მარტინზე ცვლის. და თუ 1959 წლის ამავე სახელწოდების რომანში იან ფლემინგი ჯაშუშს Aston Martin DB3- ზე გადასვავს, მაშინ ფილმში Q იარაღის სპეციალისტი 007-ს აძლევს უახლეს Aston Martin DB5- ს.
 
  1. 1964 წელი: პორშე 356 
შონ კონერი, რომელიც საერთაშორისო პოპულარობას აღწევს, იწყებს კარგი ჰონორარების მიღებას: თუ მან ბონდის პირველი ფილმისთვის მხოლოდ ათი ათასი ფუნტი მიიღო, მეორე ნაწილზე უკვე 167 ათასი და მესამეზე კიდევ ცოტა მეტი (და ჰონორარის გამო სასამართლოში დავის შემდეგ, კინოსტუდიიდან მან დამატებით 330 ათასი მიიღო ) დაახლოებით 1964 წელს მსახიობი თავად ყიდულობს პორშეს. არ ვიცით ეს სიძუნწეა თუ რამე სხვა, მაგრამ კონერიმ იყიდა არა უახლესი Porsche 911 ექვსცილინდრიანი ძრავით, არამედ ოთხცილინდრიანი Porsche 356 1959 წლიდან (სურათზე ის ედინბურგის ქუჩაზე მოძრაობდა).
  1. 1967 წელი: You only live twice: Toyota 2000GT 
ბონდიანას მსვლელობისას სუპერ აგენტი ხშირად დადიოდა თავისი შეყვარებულის მანქანებით. მეხუთე ფილმი შეიქმნა იაპონიაში და მისი ნაწილობრივი სპონსორი ტოიოტა იყო, ამიტომ ელეგანტური Toyota 2000GT სპორტული მანქანა ფილმში მთავარ როლს ასრულებდა. მაგრამ ... შონ კონერს მის საჭესთან დაჯდომა არ გამოუვიდა -  ავტომობილს იაპონური დაზვერვის გოგონა-აგენტი აკი (აკიკო ვაკაბაიაში) მართავდა. სასაცილოა, რომ მსახიობმა არ იცოდა ავტომობილის მართვა, ამიტომ პედლებს და გადაცემათა კოლოფს კასკადიორი აკონტროლებდა.
  1. 1971 წელი: Diamonds are forever: Ford Mustang Mach 1
ახალი ფილმის "Diamonds Are Forever" სიუჟეტი აბსურდული კომედიის პირას დგას, ისევე როგორც ჯეიმს ბონდის მიერ გამოყენებული მანქანების სია. აქ არის აუჩქარებელი სამთვლიანი ATC-90 ATC და მთვარის როვერიც კი! მაგრამ მთავარი "საავტომობილო" როლი, რა თქმა უნდა, ალისფერი  ავტომობილი Ford Mustang Mach 1-ია, რომელიც ამ სიუჟეტში ეკუთვნის ბონდის შეყვარებულს, წითელთმიანი კონტრაბანდისტის ტიფანი კიზისს. ფილმის სიუჟეტში  ფორდის გამოჩენა მარტივად შეიძლება აიხსნას- ის ფილმის გადაღებებს აფინანსებდა.


  1. 1973 წელის: BMW 3.0 CSL
Diamonds Are Forever-ის ფილმის გადაღებიდან მალევე, კონერი ახალ BMW- ს ყიდულობს. მანქანა მას იმ დროს შვიდი ათასი გირვანქა სტერლინგი დაუჯდა (ამ ტიპის ფულისთვის თითქმის ნებისმიერი სუპერკარის შეძენა შეიძლებოდა). კონერის შეკვეთით, მანქანაში დაინსტალირდა ტელეფონი. 1976 წელს მსახიობმა მანქანა გაყიდა. რამდენიმე წლის წინ საკმაოდ "დაღლილმა" BMW- მ კვლავ შეიცვალა მეპატრონე და სერიოზული რესტავრაციისკენ გაემგზავრა.

 
  1. 1983 წელი: Never say never again: Bentley 4½ Litre. შონ კონერი, 12 წლიანი პაუზის შემდეგ, უკანასკნელად ასრულებს ჯეიმს ბონდის როლს. "არასოდეს თქვა არასდროს" ფილმში კვლავ Bentley superspy გვხვდება. ძალიან მოკლედ: ამჯერად - 4½ ლიტრიანი  ღია კორპუსს მოდელები Gurney Nutting სტუდიის მიერაა შექმნილი.
  1.  1986 წელი: BMW 635 Csi
კონერიმ BMW– სთან პირადი გამოცდილება ოთხმოციან წლებშიც გაიმეორა: ესპანეთში გადასვლის შემდეგ მან შეიძინა ექვსი სერიის თეთრი კუპე. მსახიობი მასზე 1997 წლამდე რეგულარულად მოძრაობდა, თუმცა, როგორც ჩანს, არც ისე ბევრს: გაყიდვის დროს გარბენი მხოლოდ 27 ათასი მილი იყო. ათი წლის წინათ, რომელიღაც იღბლიან ადამიანს გაუმართლა და ასეთი ბექგრაუნდის ავტომობილი სულ რაღაც 7 ათას გირვანქად შეიძინა.

უკვე ჩვენს დროში, შონ კონერი ნახეს Bentley Arnage- ით, Range Rover Vogue- ით და Tesla Model S.- ითაც კი. "ბონდიანა" დაეხმარა კონერის გამხდარიყო ცნობილი და გამოემუშავებინა ბევრი ფული, მაგრამ  ყველაფრის გასაგებად უმჯობესია თუ “ The Name of the Rose-ს“ უყურებთ. იქ არ არის მანქანები, სროლები და  მარტინები,  მაგრამ ის უკეთესად აჩვენებს მართლაც რამდენად შესანიშნავი იყო კონერი, როგორც მსახიობი.
წყარო : https://motor.ru/


 

Listings to be compared

    There are no listings to compare
    Tap the Install icon below, and select Add to Home Screen from list.
    Sign in
    Username
    Password
    Forgot your password? Remind