Mercedes-Benz- A-Class-ის ახალი მოდელი AMG A35

05.10.2020
ყოველწლიურად Mercedes-Benz-ი მისი მოდელების საინტერესო და ამაღელვებელ განახლებებს აკეთებს. მწარმოებელი მუდმივად ცდილობს დახვეწოს ის სტილი, ფუნქცია და სხვა მახასიათებლები, რომლებიც მისი სავიზიტო ბარათია. Mercedes-Benz-ის  ოჯახის ყველაზე პატარა წევრს A-კლასს 2020 წელს ახალი მოდელი Mercedes-AMG A35-ი შეუერთდება.

საწყისი დონის სპორტულ სედანს, 302 ცხენის ძალით, სტანდარტული AWD-თი და აგრესიული წინა ნაწილით, Audi S3, BMW M235i Gran Coupe-ისა და  Volkswagen Golf R.-ის  მთავარ კონკურენტად განიხილავენ.
ახალი სედანი აერთიანებს სპორტულობას, მართვის დინამიკას, კომფორტსა და მრავალფეროვნებას, როგორც ხალხისთვის, ასევე ტვირთისთვის. A35-ი იკვებება 2.0-ლიტრიანი  ოთხ ცილინდრიანი ტურბო ძრავით, რომელიც 302 ცხენის ძალას ქმნის. Mercedes-ის შეფასებით, A35-ი  60 მილი/სთ სიჩქარეს 4,6 წამში მიაღწევს, რაც მერსედესისი ამ კლასისთვის ნამდვილად შესაფერისია.
A35-ის ინტერიერის დიზაინი კი უზრუნველყოფს სივრცეს საშუალოზე მაღალი ადამიანის კომფორტისათვის. ასევე საბარგული, რომელიც 37.4 ინჩის სიმაღლეზე იხსნება. ამას დამატებული „HANDS-FREE ACCESS“-ი, რომელიც საშუალებას იძლევა, საბარგული ფეხის მარტივი მოძრაობით, ხელების გამოყენების გარეშე გაიღოს. ეს ყველაფერი კი A 35 Sedan- ს უნივერსალურ მანქანად აქცევს.


მიუხედავად იმისა, რომ ინტერიერი შექმნილია მაქსიმალური კომფორტისთვის, ის  ავტომობილს ასევე უზრუნველყოფს უახლესი ტექნოლოგიებით Mercedes-Benz-ისგან, მათ შორის, MBUX მულტიმედია სისტემით. ორი ეკრანი, რომელიც ერთ მინის პანელს უკავშირდება, ავტომობილის სალონს გასაოცარ იერსახეს ანიჭებს. ამავდროულად, მისი ნოვატორული ხმის მართვის სისტემა საშუალებას იძლევა, რომ პირდაპირ ეკონტაქტოთ თქვენს ავტომობილს, ამისათვის უბრალოდ უნდა წარმოთქვათ სიტყვები: „Hey Mercedes".
მეორადი მანქანების ბაზარზე გასვლის გარეშე, A35 არის AMG– ის ფლობის ყველაზე ეკონომიური გზაა, მაგრამ მისი ფასი მაინც საშუალოზე მაღალი რჩება. A35- ის ფასი დაახლოებით  £35,580 გირვანქა სტერლინგია.







 

შესადარებელი განცხადებები

    თქვენ არ დაგიმატებიათ განცხადებები შედარებისთვის
    დააჭირეთ ინსტალაციის ღილაკს, და აირჩიეთ Add to Home Screen სიიდან.
    შესვლა
    მომხმარებლის სახელი
    პაროლი
    დაგავიწყდათ პაროლი? Remind