საქართველოში პოპულარული ავტომობილების - TOP 10 მოდელი

22.09.2020
მიუხედავად იმისა, რომ საქართველოში ავტოპარკი ყოველწლიურად იზრდება, ავტომობილების ასაკით, ის მსოფლიოში ერთ-ერთ ყველაზე ხანდაზმულად რჩება. 2019 წელს ავტოპარკი საქართველოში 4.0%-ით გაიზარდა, რაც ბოლო წლების განმავლობაში ყველაზე დაბალი მაჩვენებელია. ავტოპარკის ზრდა წინა წელთან (2018 წელთან) შედარებით, 1.1%-ითაა შემცირებული.
შსს-ს მონაცემებით, საქართველოში არსებული ავტომობილების უდიდესი ნაწილი 20 წელზე მეტი ხნისაა. უფრო კონკრეტულად კი, ავტომობილების 48%-ი 1999 წელს, ან კიდევ უფრო ადრეა გამოშვებული. ასაკობრივი შეფასებით, მეორე ადგილზეა 11-20 წლამდე ასაკის ავტომობილები, რომლებიც მთლიანი ავტოპარკის 38.7%-ს შეადგენენ. 1 წლამდე ავტომობილების წილი კი  ქვეყანაში ყველაზე ცოტა 0.9%-ია. 4-6 წლის სატრანსპორტო საშუალებების რაოდენობა კი ავტოპარკის 3.8%-ს შეადგენს.
ავტოპარკის უდიდეს ნაწილს (82.2%-ს)  მსუბუქი და მსუბუქი მაღალი გამავლობის ავტომანქანები შეადგენენ, რომელთაგან უმეტესობა რუხი და თეთრი ფერისაა.

 
 წინა წლებთან შედარებით მნიშვნელოვანად არ შეცვლილა ყველაზე პოპულარული ავტომობილების  top 10 . 2019 წელს ავტოპარკში ყველაზე დიდი ნაწილი FORD TRANZIT-ს უკავია, მას მოსდევს წინა წლის ლიდერი OPEL ASTRA, VAZ 2106, MERCEDES-BENZ E და MERCEDES-BENZ C.

 
ავტომობილის მფლობელთა რეგისტრაციის ადგილის მიხედვით, კი  მაჩვენებელი შემდეგნაირად გამოიყურება: ყველაზე მეტი ავტომობილი რეგისტრირებულია თბილისში (36.1%), ყველაზე ცოტა კი რაჭაში 0,6%-ი. 13.1% მოდის იმერეთზე, 10.1% ქვემო ქართლზე, 8.8% კი კახეთზე.

 
თბილისში ავტომობილების 76% კაცებზეა რეგისტრირებული, 24% კი ქალებზე. მსგავსი ტენდენციაა საქართველოს დანარჩენ რეგიონებშიც.

რაც შეეხება ტექნიკური ინსპექტირების გავლის წესის გამო გამოწერილ ჯარიმებს, 2019 წელს მათმა რიცხვმა 229,573-ს მიაღწია. გასულ წელს ყველაზე მეტი ჯარიმა, დეკემბრისა და ნოემბრის თვეში გამოიწერა. რეგიონების მიხედვით კი ყველაზე მეტი ჯარიმა თბილისსა და აჭარაში დაფიქსირდა.
 

წყარო: https://info.police.ge/uploads/5eecd930a325a.pdf
 

შესადარებელი განცხადებები

    თქვენ არ დაგიმატებიათ განცხადებები შედარებისთვის
    დააჭირეთ ინსტალაციის ღილაკს, და აირჩიეთ Add to Home Screen სიიდან.
    შესვლა
    მომხმარებლის სახელი
    პაროლი
    დაგავიწყდათ პაროლი? Remind