ბონდის Aston Martin-ის ასლი, რომლის მართვა შეუძლებელია, 200,000 დოლარად გაიყიდა

Nov 12, 2020
ბონდის Aston Martin-ის ასლი, რომლის მართვა შეუძლებელია, 200,000 დოლარად გაიყიდა

Bring a Trailer– ის აუქციონზე 007 – ის მანქანის არაჩვეულებრივი ასლი, 1964 წლის კლასიკური Aston Martin DB5– ი, 200,000 დოლარად გაიყიდა. ავტომობილის ამ ასლს  ნამდვილისგან ვიზუალურად ვერაფრით გაარჩევთ, თუმცა მათ შორის ერთი დიდი სხვაობა მაინცაა.. ასლის გამოყენებას მხოლოდ დეკორაციისთვის თუ შეძლებთ.

იმ მანქანისთვის რომელიც არ დადის, ბონდიანას თაყვანისმცემელმა 200.000 დოლარი გადაიხადა. ავტომობილის ძარა მინაბოჭკოსგანაა დამზადებულია და აქვს რკინის კარკასი, თუმცა მას არ აქვს არც ძრავი და არც ტრანსმისია.

უჟანგავი ფოლადისგან დამზადებული ბამპერი სპეციალურად ამ მოდელისთვისაა შესრულებული, ხოლო აკუმულატორზე მომუშავე ოპტიკა, რადიატორის ცხაური და Vredestein– ის საბურავები ნამდვილი Aston Martin– ისგანაა ნასესხები.

როგორც ბონდის Bond DB5 შეეფერება, მანქანა სავსეა ჯაშუშური მოწყობილობებით. მათ შორისაა ყალბი რადარის ანტენა, ცვალებადი სანომრე ნიშნები, უკანა მხარეს ტყვიაგაუმტარი პანელი და მოწყობილობა, რომელიც კვამლის ეფექტს ქმნის. ასევე არსებობს ხელოვნური ტყვიამფრქვევები რეგულირებადი მოცულობის "გასროლით" და ლოგოთი 007.

ინტერიერი აწყობილია ნაცრისფერი ხელოვნური ტყავით. სალონში დამონტაჟებულია აქვს სიგარეტის სანთებელა, რეტრო ტელეფონი, ნამდვილი ხელსაწყოების დაფა და რადარის რუქა, მოციმციმე ინდიკატორის შუქით, სათვალთვალო სიმულაციისთვის.



მანამდე ცნობილი გახდა, რომ ასტონ მარტინის დიზაინერები მანჰეტენში მდებარე 130 William-ის საცხოვრებელ კომპლექსში ხუთი ძვირადღირებული ბინას ამოდერნიზებდნენ, ხოლო სახლის ყველა მყიდველს საჩუქრად DBX კროსოვერის სპეციალურ ვერსიას გადასცემდნენ.
წყარო : .msn.com

 
 

Listings to be compared

    There are no listings to compare
    Tap the Install icon below, and select Add to Home Screen from list.
    Sign in
    Username
    Password
    Forgot your password? Remind