GENERAL MOTORS-ის ახალი Hummer-ი 10 წუთში ამოიყიდა

30.10.2020
GENERAL MOTORS-ის ახალი Hummer-ი 10 წუთში ამოიყიდა
GM-ის ახალი სრულიად ელექტრო Hummer -ის ღირებულება 113,000 დოლარია.

General Motors– მა სამშაბათს ღამით ონლაინ ღონისძიებაზე გამოაქვეყნა ახალი, სრული ელექტრო GMC Hummer EV, რითიც რამდენიმე ათეული წლის შემდეგ ჰამერს ოფიციალურად დაუბრუნა სახლი.
ჰამერი ცნობილი იყო დიდი, მყარი მაღალი გამავლობის მქონე ჯიპები და სატვირთო მანქანების დამზადებით, რომლებიც ხშირად აკრიტიკებდნენ უამრავი საწვავის დაწვის გამო. თუმცა, ეს პიკაპი ჰამერი საერთოდ არ დაწვავს ბენზინს.

Phil Brook– ის, GMC– ის მარკეტინგისა და რეკლამირების ვიცე – პრეზიდენტის აზრით, ელექტრო ჰამერის შექმნამ, მხოლოდ მისი ეკოლოგიურობა კი არ გააუმჯობესა, არამედ გაზარდა მანქანის ეფექტურობაც. ეს ახალ ჰამერს ასევე დაეხმარა გაეუმჯობესებინა, როგორც საავტომობილო, ისე მაღალი გამავლობის მართვა.
კიდევ ერთი განსხვავება: ჰამერი ახლა GMC მოდელია და არა საკუთარი ცალკეული ბრენდი.
ერთი რამ, რაც ჰამერმა არ დაკარგა არის ძალა. ელექტრომობილს სამი ძრავა აქვს, რომელთა საერთო სიმძლავრე 1,000 ცხენის ძალას აღწევს. მანქანა სამ წამში 96 კმ/სთ სიჩქარეს ავითარებს და ერთი დამუხტვით(40წთ.)  563 კილომეტრის გავლა შეუძლია.

საჭის მართვის სპეციალური სისტემა Hummer-ს საშუალებას აძლევს დიაგონალურად გადაადგილდეს და არა მხოლოდ წინ და უკან, ამან შეიძლება გაგიადვილოთ მჭიდრო სივრცეში შესვლა ან/და გამოსვლა. მანქანა ასევე ხელმისაწვდომი იქნება GM- ის სუპერ კრუიზის ტექნოლოგიის უახლესი ვერსიით, რომელიც საშუალებას მოგცემთ ავტომობილი მთავარ მაგისტრალებზე “ hands-free“ სისტემით მართოთ.


ექსტრემალურ მარშრუტზე მოძრაობის დროს კი Hummer-ის კორპუსს 15 სანტიმეტრ სიმაღლეზე აწევა და ლოდებზე ან წყალზე შეუფერხებლად გადავლა შეუძლია. ვიდეოკამერებს კი შეუძლიათ უზრუნველყონ 18-მდე განსხვავებული ხედი ავტომობილის გარშემო და მის ქვეშ, რაც ხელს შეუწყობს დაბრკოლებების მართვას.
მანქანას ასევე აქვს მოსახსნელი სახურავის პანელები, რომლებიც შეგიძლიათ ავტომობილის უკანა ან წინა საბარგულში შეინახოთ. უკანა ფანჯარა ასევე ჩამოდის ქვემოთ(იხსნება), რათა უზრუნველყოს ავტომობილის სახურავის მთლიანი გახსნა.



აკუმულატორის პაკეტები დაცული იქნება ფოლადის ფირფიტებით, რათა მაღალი გამავლობის დროს არ დაზიანდეს.
თუმცა ეს ყველაფერი იაფი არ გამოვა. დასაწყისისთვის მოდელ “Edition 1“-ის გამოშვება იგეგმება. მისი ფასი 112,595 აშშ დოლარი იქნება. ცოტა ხნის შემდეგ, GM დაიწყებს ნაკლებად ძვირადღირებული ვერსიების დამზადებას, საწყისი ფასი დაახლოებით $ 100,000. GM– ს მონაცემებით, სატვირთო ავტომობილის ნაკლებად მძლავრი ვერსია, მხოლოდ ორი ძრავით, 2024 წლიდან იქნება ხელმისაწვდომი და 80,000 დოლარი ეღირება.



სამშაბათს ღამით პრეზენტაციის შემდეგ, ალდრედმა თქვა, რომ GMC- მ საკმარისი ჯავშანი მიიღო, იმისთვის, რომ “Edition 1“-ი 10 წუთში გაიყიდოს. კიდევ 3,000 პოტენციური მყიდველი კი მოლოდინშია და კიდევ უფრო მეტ ჯავშანს აკეთებს  ავტომობილის მოგვიანებით ვერსიებზე.
Hummer EV სულ რაღაც ორ წელიწადში შეიქმნა, დაწყებული კონცეფციიდან დამთავრებული საბოლოო წარმოებამდე. Aldred-ის თითქმით, ეს ჯენერალ მოტორსის ისტორიაში ავტომობილის განვითარების უმოკლესი დროა. ჩვეულებრივ, მანქანის იდეიდან წარმოებამდე, დაახლოებით ხუთი წელია საჭირო.
General Motors-მა Hummer-ის წარმოება 2010 წელს საწვავის გაძვირებისა და ამ მარკის მოდელებზე მოთხოვნის შემცირების გამო შეწყვიტა.
წყარო: edition.cnn.com/nbcnews.com/























 

შესადარებელი განცხადებები

    თქვენ არ დაგიმატებიათ განცხადებები შედარებისთვის
    დააჭირეთ ინსტალაციის ღილაკს, და აირჩიეთ Add to Home Screen სიიდან.
    შესვლა
    მომხმარებლის სახელი
    პაროლი
    დაგავიწყდათ პაროლი? Remind