მაიკლ ჯორდანი  NASCAR-ის სარბოლო გუნდს ქმნის

23.09.2020
კალათბურთის ლეგენდა, რომელიც ამბობდა, რომ მთელი ცხოვრება NASCAR– ის გულშემატკივარი იყო, ახლა თავად ხდება NASCAR– ის გუნდის მფლობელი.

Daytona 500-ის სამგზის ჩემპიონმა, დენი ჰამლინმა და NBA– ის ლეგენდამ მაიკლ ჯორდანმა, 2021 წლის სეზონის დაწყებამდე NASCAR Cup Series-ების გუნდი შექმნეს და მათ პირველ მძღოლად Bubba Wallace-ი აირჩიეს.
Germain Racing-მა ახალ გუნდს უკვე სრულად გადასცა ჯგუფზე უფლებები და დაადასტურა, რომ თავად კომპანია წლის ბოლოს დაიხურება.

 
გუნდის ძირითადი მფლობელი NBA-ის ექვსგზის ჩემპიონი მაიკლ ჯორდანი იქნება, მისი პარტნიორი დენი ჰამლინი, კი შედარებით მცირე წილის მფლობელი და კვლავ  Joe Gibbs Racing-ის მძღოლი იქნება. უკვე 10 წელზე მეტია, რაც ჰამლინი მაიკლ ჯორდანის ახლო მეგობარი და ჯორდანის გუნდის სპორტსმენია.  Bubba Wallace-მა კი უკვე მოაწერა ხელი მრავალწლიან კონტრაქტს ახალ გუნდთან თანამშრომლობისთვის.
უოლესმა გასულ თვეს დაადასტურა, რომ იგი ტოვებდა Richard Petty Motorsports-ის იმ  გუნდს, რომელთანაც 2017 წლიდან თანამშრომლობდა.
„ჩრდილოეთ კაროლინაში გაზრდისას, მშობლებს მე და ჩემი და-ძმები რბოლის სანახავად დავყავდი, და მე მთელი ცხოვრება NASCAR-ს ფანი ვიყავი. შესაძლებლობა, რომ ჩემს მეგობარ დენი ჰამლინთან ერთად ვფლობდე ჩემს სარბოლო გუნდს, რომელის მძღოლიც ბუბა უოლესი იქნება, ჩემთვის ძალიან ამაღელვებელია“- თქვა მაიკლ ჯორდანმა
ჰამლინის თქმით, მას და ჯორდანს წლების განმავლობაში სურდათ სარბოლო გუნდის შექმნა, თუმცა  ამისთვის სწორ დროს ელოდნენ.
„სარბოლო გუნდის ჩამოყალიბება იყო ის, რაზეც მე და მაიკლი წლების განმავლობაში გოლფის თამაშის დროს ვსაუბრობდით, თუმცა დრო და გარემოებები არასდროს ყოფილა სწორი, ”- თქვა ჰამლინმა.
NASCAR– ის ძველი რეგულაციებით, ერთი გუნდის მძღოლს არ ჰქონდა უფლება რომ სხვა გუნდის მფლობელი ან მეწილე ყოფილიყო. სხვა სიტყვებით რომ ვთქვათ, აქამდე ჰამლიანს არ შეეძლო ახალი გუნდის მეწილე ყოფილიყო, რადგან Gibbs-ისთვის მართავდა.
ახალი გუნდის სახელი, მანქანის ნომერი, მწარმოებელი, სპონსორები და სხვა დეტალები ცნობილი მოგვიანებით გახდება.
წყარო:caranddriver/autoblog
 

შესადარებელი განცხადებები

    თქვენ არ დაგიმატებიათ განცხადებები შედარებისთვის
    დააჭირეთ ინსტალაციის ღილაკს, და აირჩიეთ Add to Home Screen სიიდან.
    შესვლა
    მომხმარებლის სახელი
    პაროლი
    დაგავიწყდათ პაროლი? Remind